Cеулдаги оқшомда рингга кўтарилган 6 боксчимизнинг барида ғалаба + ФОТО

FW1 Promotion ҳамда "Фавзул Мунаввар" промоутерлик компаниялари ҳамкорлигида ташкил этилган ушбу проф бокс оқшомида 6 нафар чарм қўлқоп устамиз ҳам рингга кўтарилди. Марказий жанг ҳамюртимиз Эгамберди Нуриддинов ҳамда хитойлик Ма Хоа Жиэ ўртасида бўлиб ўтди.

Нуриддинов 6 раундлик жангни муддатидан аввал ўз фойдасига ҳал қилди. Ҳамюртимиз тажрибали рақибини 5-раундда техник нокаутга учратган. Бу Эгамберди Нуриддиновнинг проф рингдаги учинчи жангидаги иккинчи ғалабаси бўлди. Унинг ҳисобида 1 та дуранг ҳам бор. Тажрибали Ма Хоа учун эса бу фаолиятидаги иккинчи мағлубият эди. Ғалабалари сони 20 талигича қолди. 

Боксчиларимиздан Дониёрбек Ҳайиталиев кореялик Ким Жу Ҳюнни очколар ҳисобига кўра енгди. Ҳусниддин Мараимов 3-раундда Вонг-Гу Лини, Довруғбек Ибрагимов 1-раунднинг 1-дақиқасидаёқ Жу Ҳюн Жунни, Шаҳзодбек Толибжонов 4-раундда До-Гйом Кимни техник нокаутга учратди. 

Сирожбек Исмоилов ва Хё Ҳан Жеон (Жанубий Корея) ўртасидаги жанг спарринг мақомида ўтказилди. Унда Исмоилов 4-раундда рақибининг жигар қисмига аниқ зарба йўллаши натижасида жанг рефери томонидан тўхтатилди.