17 апр 08:18
Янгиликлар

Бокс/ММА

Чарльз Оливейра — Бенил Дариуш жангининг янги санаси ва манзили маълум бўлди

Оливейра Дариушга қарши июнь ойида жанг қилади.

Енгил вазн тоифасида бразилиялик UFC собиқ чемпиони Чарльз Оливейра 7 май куни Бенил Дариушга қарши жанг қилиши лозим эди, бироқ Чарльзнинг жангга яқин олган жароҳати тўқнашувнинг номаълум муддатга қолдирилишига сабаб бўлган эди.

Мазкур жангнинг қачон ўтказилишини инсайдерлар томонидан маълум қилинди. Унга кўра, собиқ чемпион ва титул жангига даъвогар Дариуш ўртасидаги қарама-қаршилик 11 июнь куни Канаданинг Ванкувер шаҳрида ташкил этиладиган UFC 289 турнири доирасида ўтказилади.

UFC 289 турнирининг марказий жанги аёллар ўртасида энг енгил вазн тоифаси чемпиони Аманда Нуньес ва даъвогар Жулаинна Пеньа ўртасида бўлиб ўтади.