18 фев 08:11
Янгиликлар

Теннис

Чеккинато - Argentina Open ғолиби!

Аргентина пойтахти Буэнос-Айрес шаҳрида теннис бўйича нуфузли ATP турнири якунланди.

Argentina Open турнирида дунёнинг 18-ракеткаси Марко Чеккинато бош соврин соҳибига айланди. Италиялик теннисчи 1 соату 5 дақиқа давом этган финалда мезбонлар вакили Диего Шварцмандан 6:1, 6:2 ҳисобида устун келди.

Шварцман рейтингда 19-поғонани банд этиб турганди. Бу теннисчиларнинг илк учрашуви эди. Буэнос-Айресдаги бир ҳафталик меҳнат Чеккинатога 101 830 АҚШ доллари миқдоридаги пул мукофоти ҳамда 250 рейтинг очкосини келтирди.