Chengdu Open. Музетти қаторасига иккинчи йил финалда ўйнайди

Дунёнинг тўққизинчи ракеткаси бўлиб турган Лоренцо Музетти қаторасига иккинчи йил ҳам мусобақанинг финалига йўл олди. Италиялик теннисчи 1/2 финалда ATP рейтингида 96-поғонада бораётган қозоғистонлик Александр Шевченкога ҳеч қандай имконият қолдирмади  - 6/3, 6/1.

Теннисчиларнинг ўзаро учрашувларидаги ҳисоб 2:0 кўринишига келди. Олтмиш тўрт дақиқа давом этган баҳсда иккала теннисчи ҳам 3 тадан эйс зарбасини амалга оширган. Қўшхатолар ҳам бир хилда бўлди - 1 тадан. Музетти брейклар бўйича мутлақ устунлик қилди - 4 га 0.  

Бугун Лоренцо Музетти Chengdu Open турнири бош соврини учун чилилик Алехандро Табилога қарши кортга чиқади.