"Чимаев вазн ташлаш пайтида ўлим ёқасида бўлганди" - собиқ чемпион

Уларнинг жанги UFC 328 турнирининг асосий воқеаси бўлиб, Шон Стрикленднинг ҳакамлар қарори билан ғалабаси билан якунланган эди. Шу тариқа, Стрикленд ўрта вазндаги янги UFC чемпионига айланган.

"Машғулот йиғинида Хамзат ҳақиқий махлуққа ўхшарди. Уни ҳеч ким мағлуб эта олмасдек эди. Аммо кейин у пулга қандайдир одам топди ва унинг вазн ташлаш услуби даҳшатли бўлди.

У Стриклендга 1 миллион доллар бериб: “Ол, мен буни уддалай олмайман, ўлиб қоламан”, демоқчи бўлган. Унинг қалқонсимон безининг ярми ишламаслигини унутманг. Метаболизми оддий одамникидан икки баравар секин.

Менимча, у вазн ташлаш пайтида ҳақиқатан ҳам ўлим ёқасида бўлган. Кейин унинг яшил сафро қусгани ва бошқа даҳшатли ҳолатлар ҳақида эшитдим. У жангга чиқмаслиги керак эди.

Шунга қарамай, тўртинчи ва бешинчи раундларда қандай ҳаракат қилганига қаранг. Хамзат ҳатто Стрикленддан ҳам яхши кардио кўрсатди", — деди Диллашоу.