Cincinnati Open. Дунёнинг биринчи ракеткаси бошлади

Сайёрамизнинг биринчи рақамли теннисчиси Ига Свёнтек мусобақадаги юришини бошлади. Польшалик теннис маликаси иккинчи даврада WTA рейтингида 69-поғонани эгаллаб турган франциялик Варвара Грачёвани уч сет натижасига кўра мағлубиятга учратди - 6/0, 6/7(8), 6/2.

Теннисчиларнинг ўзаро иккинчи учрашувида ҳам Ига ғалаба қозонди. Икки соату 13 дақиқа давом этган бу галги баҳсда Свёнтек 7 та эйс, 7 та брейкни амалга ошириб, 2 та қўшхатога йўл қўйди. Энди у Cincinnati Open турнирининг учинчи босқичида украиналик Марта Костюкка қарши кортга чиқади.