21 апр 16:26
Янгиликлар

Бокс/ММА

Дана Уайт Камару Усманнинг кейинги рақибини маълум қилди

UFC президенти Дана Уайт ярим ўрта вазн тоифаси чемпиони Камару Усманнинг навбатдаги рақиби ким бўлишини айтди.

Фақат бунинг учун Усман келаётган якшанба тонгида Хорхе Масвидалга қарши кечадиган реванш жангида ғалаба қозониши шарт. Шундай бўлган тақдирда у кейингини жангини Колби Ковингтонга қарши ўтказади. Бу ҳақида Yahoo Sports каналига берган интервьюсида UFC президенти Дана Уайт айтган.

"Усман - Ковингтон жангини ўтказмоқчи эканимни кўпчилик жуда яхши билади. Бу тарихдаги энг яхши жанглардан бири бўлишига ишончим комил. Агар Камару шу ҳафтадаги жангида Масвидални мағлуб этса, у ҳолда кейинги рақиби Колби бўлади", - деди Уайт.

Эслатиб ўтамиз, Камару Усман - Хорхе Масвидаль ўртасидаги реванш якшанба тонгида АҚШнинг Флорида штати Жексонвилл шаҳрида ўтказиладиган UFC 261 турнирининг марказий жанги бўлади.