Даниил Медведев кетма-кет учинчи, фаолиятидаги 18-совринини қўлга киритди

Финалда у ҳамюрти Андрей Рублёвни 6/2, 6/2 ҳисобида мағлуб этди. 

Эътиборлиси, ушбу соврин Даниил учун кетма-кет учинчиси бўлди. Россиялик теннисчи ўтган ҳафта Доҳада бўлиб ўтган АТР-250 сериясига кирувчи турнирда зафар қучган бўлса, ундан аввал Роттердамдаги АТР-500 сериясидаги мусобақада ҳам бош соврин эгасига айланганди. 

Дубайдаги унвон Медведев учун фаолиятидаги 18-совринга айланди.