Дариушни нокаут қилган Оливейра Ислам Махачевга "вызов" ташлади

Даъвогарлар жангидаги ушбу ғалабадан сўнг бразилиялик аралаш яккакураш устаси Ислам Махачевга мурожаат қилди. 

"Ҳақиқий чемпион менман! Чемпионнинг исми бор, уни Чарльз Оливейра деб аташади", - деди Оливейра.  

Ўз ўрнида Чарльз Бенил Дариушнинг 8 та ғалабадан иборат муваффақиятли сериясига чек қўйди. Катта эҳтимол билан америкалик энди ҳеч қачон чемпионлик камарига даъвогарлик қила олмайди. 

Эслатиб ўтамиз, Чарльз Оливейра ўтган йилнинг октябрь ойида БАА пойтахти Абу-Даби шаҳрида ўтган жангда Ислам Махачевга камарини бой бериб қўйганди. Ўшанда россиялик чемпионни иккинчи раундда бўғиш усули билан мағлубиятга учратганди. Оливейра бугунги ғалабасидан сўнг 21 октябрь куни айнан Абу-Дабида ўтадиган UFC 294 турнирида Исламга қарши реванш жангида октагонга чиқишига умид қилмоқда.