13 апр 20:29
Янгиликлар

Бокс/ММА

Де Ла Хойя ярим енгил вазнда дебют қилади

Афсонавий Оскар Де Ла Хойянинг жияни Диего рейтингда юқорилашда давом этмоқда.

Диего профессионал боксдаги фаолияти давомида 21та жанг ўтказиб, уларнинг барчасида ғалаба қозонган. Ўнта жангда рақибларини муддатидан аввал нокаутга учратган.

Жангларининг бирида собиқ жаҳон чемпиони Рэнди Кабальеродан устун келган. Кабальеро учун бу биринчи мағлубият эди. Диего навбатдаги жангини мексикалик Энрике Берначега қарши ўтказади. Бу кичик Де Ла Хойя учун ярим енгил вазн тоифасидаги дебют жанг ҳисобланади.