18 мар 14:48
Янгиликлар

Теннис

Дель Потро Майами “Мастерс”да иштирок этмайди

Хуан Мартин Дель Потро Майамида старт олиш арафасида турган “Мастерс” турнирида иштирок этмайдиган бўлди.

Бунга аргентиналик теннисчининг ўнг оёғининг тизза қисмидан олган жароҳати сабаб бўлди. Айнан шу жароҳат сабаб у кеча якунига етган Индиан-Уэллс турниридаги чемпионлик унвонини ҳимоя қила олмаганди.

“Афсуски, Майами турнирида иштирок эта олмайман. Жароҳатдан ҳали тўлиқ фориғ бўлмадим. Насиб қилса, келаси йили сизлар билан Майамида учрашамиз”, - дея ўзининг Twitter саҳифасида хабар қолдирган Дель Потро.