02 июн 13:01
Янгиликлар

Бокс/ММА

Деонтей Уайлдер: Фьюрининг юзини ўз онаси танимайдиган даражада ўзгартирмоқчиман

Бокс бўйича оғир вазн тоифасида собиқ жаҳон чемпиони Деонтей Уайлдер камар эгаси Тайсон Фьюрини нафақат мағлуб этиш, балки унга жангда жиддий зарар етказиш ниятида эканлигини айтди.

Фьюри ва Уайлдер ўртасидаги трилогия 24 июль куни бўлиб ўтади.

"Менинг мақсадим қуйидагича: мен унга ақл бовар қилмайдиган оғриқ бермоқчиман, ҳатто ўз онаси танимайдиган ҳолатга келтираман", - дейди Уайлдер.

Эслатиб ўтамиз, 2018 йилнинг декабрида ўтказилган Фьюри - Уайлдер ўртасидаги биринчи жанг дуранг билан тугаганди. 2020 йил февраль ойида британиялик америкаликни нокаутга учратди ва ундан оғир вазн тоифасида WBC камарини тортиб олди. Фьюри профессионал боксда 30 ғалаба ва битта дурангга эга, Уайлдер эса 42 ғалаба, битта мағлубият ва битта дуранг қайд этган.