Деонтей Уайлдер: "Қотил бўлиш учун шуғулланяпман"

"Шунчаки оддий жангчи бўлишда ҳам ажойиб ҳиссиётлар ўтади. Сиз бунинг учун барча машғулотлардан, спарринглардан ва зарбалардан ўтишингиз керак. Сиз спарринг-рақибларингизни мағлуб этишингиз орқали миянгизда ғолиблик фикри тўпланади.

Ҳозир қотил бўлиш учун шуғулланяпман. Бу фикрлашни ўзгартиради. Исталган вақтда бирортасини жароҳатлаб қўйиш, қурол кўтариб юриш каби ҳиссиётлар билан юриш - ажойиб.

Лагерда мен агрессивроқ ва жиддийроқ бўлишни ўрганаман. Олдимда бажарилиши керак бўлган вазифалар бор. Менга бу адреналин жуда ёқади. Навбатдаги жангимни интиқлик билан кутяпман", - деди бокс бўйича собиқ жаҳон чемпиони Деонтей Уайлдер.

Эслатиб ўтамиз, 23 декабрь куни Саудия Арабистонида Деонтей Уайлдер ва Жозеф Паркер ўртасида узоқ кутилган жанг ўтказилади.