Деонтей Уайлдер: "Усик мендан қўрқади"

"Бу одам мендан қўрқади. Усик бир неча бор мен билан жанг қилишдан қочиб қолган. Ўзини мен билмайдигандек тутмасин. Мен бу бизнес билан анча йилдан бери шуғулланиб келаман ва ҳаммасини жуда яхши биламан. Унга бир неча маротаба мен билан жанг учун катта пул таклиф қилишган ва ҳар сафар рад жавобини олишган", — дея Уайлдернинг сўзларини келтиради The Sun.

Аввалроқ, Уайлдернинг навбатдаги жанги британиялик Энтони Жошуага қарши ўтказилиши айтилганди. Уайлдер ҳисобида 43 та ғалаба, 2 мағлубият ва 1 дуранг натижа бор. Жангларининг 42 тасида рақибларини нокаутга учратган.  

Александр Усик эса 20 та жангининг барчасида ғалаба қозонган. Сўнгги жангини ўтган йилнинг август ойида Энтони Жошуага қарши ўтказиб, британиялик номдор рақибини ҳакамларнинг айри қарори билан очколар ҳисобига кўра мағлуб этган эди.