Дэвид Бенавидес Биволга қарши жанг қачон бўлиши мумкинлигини айтди

Аввалроқ Бутунжаҳон бокс кенгаши (WBC) ушбу жанг бўйича музокараларни олиб бориш учун охирги муддатни белгилаган эди. Ташкилот президенти Маурисио Сулейманнинг сўзларига кўра, томонлар 8 апрелдан кечикмасдан келишувга эришиши лозим.

"Жанг сентябрь ойида ўтиши мумкин, лекин ҳозирча аниқлик йўқ. Бу бокс. Бу ерда ҳеч қачон 100% ишонч бўлмайди. Биз ушбу жангни ташкил қилиш учун ҳаракат қиляпмиз. Агар у бўлмаса, демак, амалга ошмайди. Лекин ҳозир бу бизнинг энг асосий мақсадимиз," — деди Бенавидес.

Маълумот учун, Дмитрий Бивол айни пайтда яримоғир вазн тоифасида мутлақ жаҳон чемпиони ҳисобланади. 28 ёшли Бенавидес (30-0, 24 КО) эса вақтинчалик WBC камари эгасига айланган.