Ди Мария "Ювентус"дан кетганини маълум қилди

Футболчининг клуб билан шартномаси якунланди ва эркин агент сифатида жамоадан кетди. Бу ҳақда у ижтимоий тармоқларида маълумот берди.

"Фаолиятимнинг яна бир қийин даври ортда қолди. Жамоанинг соврин ютиши учун бор кучимни бериб, хотиржам кетишим мумкин эди, бироқ соврин ютиш имконсиз бўлди.

Омадсизлик кайфияти билан кетяпман. Гарчи хурсанд бўлмасам-да, бу ерда жуда кўп дўстлар орттирдим", - деб ёзади аргентиналик.

Журналист Фабрицио Романонинг ёзишича, Ди Мария 2007-2010 йилларда ўйнаган "Бенфика" билан шартнома имзолаши мумкин.