10 сен 08:52
Янгиликлар

Теннис

Дунёнинг 83-ракеткаси US Open-2017 ғолиби бўлди

Нью-Йорк шаҳрида давом этаётган "Катта Дубулға" туркумига кирувчи АҚШ Очиқ чемпионатининг хотин-қиз теннисчилар мусобақасида ғолиб аниқланди.

Ҳал қилувчи финал учрашувида икки америкалик теннисчилар - Слоан Стивенс ҳамда Мэдисон Киз ўзаро тўқнаш келишди. Дунё рейтингида 83-ўринни эгаллаб турган Стивенс 16-ракетка ҳисобланган Кизни 6:3, 6:0 ҳисобида таслим этди.

Финал учрашуви роппа-роса бир соат давом этди. Слоан фаолиятида илк бор “Катта Дубулға” туркумига кирувчи турнирда бош мукофотни қўлга киритди. Икки теннисчи ўртасидаги ўзаро учрашувларда Стивенс 2:0 ҳисобида олдинга чиқиб олди.