29 авг 07:32
Янгиликлар

Теннис

Дунёнинг биринчи ракеткаси US Open 1/16 финалига чиқди

АҚШнинг Нью-Йорк шаҳрида теннис бўйича "Катта Дубулға" туркумига кирувчи US Open турнири давом этмоқда.

Дунёнинг биринчи ракеткаси Янник Синнер иккинчи даврада ATP рейтингида 36-ўринни эгаллаб турган австралиялик Алексей Попиринни ортиқа қийинчиликсиз мағлубиятга учратди - 6/3, 6/2, 6/2. Италиялик ракеткаси устаси бу билан теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1.

Икки соату бир дақиқа давом этган баҳсда Синнер 5, Попирин 6 та эйс зарбасини амалга оширган. Иккала теннисчи ҳам бир хилда 4 тадан қўшхатога йўл қўйди. Брейклар бўйича мутлақ устунлик ғолиб теннисчи томонида бўлди - 5 га 0.

Италиялик теннисчи хард қопламали кортларда ўтказиладиган "Катта Дубулға" турниридаги кетма-кет 23-ғалабасини қўлга киритди. Энди у US Open учинчи босқичида канадалик Денис Шаповаловга қарши кортга чиқади.