12 окт 18:29
Янгиликлар

Теннис

Дунёнинг биринчи ракеткасида мағлубият

Арина Соболенко Хитойнинг Ухань шаҳрида давом этаётган WTA 1000 тоифасига кирувчи турнирнинг 1/2 финалида мағлубиятга учради.

Беларуслик теннис маликаси WTA рейтингида 6-ўринни эгаллаб турган америкалик Жессика Пегулага уч сет натижасига кўра имкониятни бой бериб қўйди - 6/2, 4/6, 6/7(2). Арина теннисчиларнинг ўзаро учрашувларида катта фарқ билан олдинда бормоқда - 8:3.

Соболенко 2 соату 22 дақиқа давом этган баҳсда 10, Жессика эса 5 та эйс зарбасини амалга оширди. Брейклар бўйича ҳам Арина устунлик қилган бўлса-да, якунда Пегула тай-брекда ғалабани илиб кетди.