07 апр 09:11
Янгиликлар

Теннис

Дунёнинг тўртинчи ракеткаси камбэк эвазига бош совринни ватанида олиб қолди

АҚШнинг Чарльстон шаҳрида ўтказилган WTA 500 тоифасига кирувчи нуфузли турнир Жессика Пегуланинг ғалабаси билан якунланди.

Америкалик теннис маликаси ҳал қилувчи финал баҳсида рейтингнинг 44-поғонасида бораётган ватандоши София Кенинни ажойиб камбэк эвазига таслим этди - 6/3, 7/5. Жессика иккинчи сетда 1/5 ҳисобида ютқазаётган эди.

Саксон олти дақиқа давом этган учрашувда Пегула 3, Кенин 1 та эйс зарбасини амалга оширган. Қўшхатолар Софияда уч баробар кўпроқ бўлди - 6 га 2. Брейклар бўйича устунлик эса 7 га 4 кўринишида чемпион томонида бўлди.