Елена Остапенко Истбурнни забт этди

Сайёрамизнинг 43-ракеткаси бўлиб турган Остапенко бош соврин учун кечган финал учрашувида WTA рейтингида 27-поғонада бораётган эстониялик Анетт Контавейтни 6/3, 6/3 ҳисобларида мағлубиятга учратди. Теннисчиларнинг шу кунгача ўтказилган ҳар икки баҳсида ҳам Елена зафар қучган. 

Олтмиш беш дақиқа давом этган финалда 24 ёшли Остапенко 1 та, 25 яшар Контавейт эса 5 та эйс зарбасини амалга оширди. Viking International Eastbourne турниридаги муваффақиятли иштирок Елена Остапенкога 470 рейтинг очкоси ҳамда 68,570 доллар мукофот пули келтирди.