23 фев 08:06
Янгиликлар

Теннис

Элина Свитолина финал остонасида тўхтатилди

Дунёнинг олтинчи ракеткаси Элина Свитолина БААнинг Дубай шаҳрида якунига етиб бораётган нуфузли турнирдаги иштирокини тўхтатди.

Украиналик теннисчи ярим финал учрашувида швейцариялик Белинда Бенчичга имкониятни бой бериб қўйди. Икки дақиқаси кам икки соат давом этган учрашувда Бенчич кучли рақибасини 6/2, 3/6, 7/6(3) ҳисобида мағлуб этди.

Энди дунё рейтингида 45-поғонадан жой олиб турган Бенчич Dubai Duty Free Tennis Championships турнирининг ҳал қилувчи финал учрашувида чехиялик Петра Квитовага қарши кортга чиқади.