04 сен 07:01
Янгиликлар

Теннис

Элина Свитолина US Open 1/2 финалига чиққан илк украиналик!

Украиналик теннис маликаси Элина Свитолина “Катта Дубулға” туркумига кирувчи АҚШ Очиқ чемпионатининг ярим финалига йўл олди.

Дунёнинг бешинчи ракеткаси бўлиб турган Элина US Open турнирининг 1/4 финалида WTA рейтингининг 16-поғонасидан жой эгаллаб турган британиялик 28 ёшли Йоханна Контага қарши кортга чиқди.

24 ёшли Элина 1 соату 39 дақиқа давом этган учрашувда рақибасини 6/4, 6/4 ҳисобида мағлуб этди. Свитолина кетма-кет бешинчи учрашувида ҳам Йоханнадан устун келди. Украиналик теннисчининг ярим финалдаги рақибаси америкалик Серена Уильямс ёки хитойлик Цзян Ван баҳсидан сўнг маълум бўлади.