13 авг 11:34
Янгиликлар

Теннис

Энди Маррей US Open турнири яккалигида иштирок этмайди

Британиялик теннисчи Энди Маррей "Катта Дубулға" туркумига кирувчи АҚШ Очиқ чемпионатининг яккалик баҳсларида иштирок этмаслигини маълум қилди.

Маррей мусобақанинг жуфтлик баҳсларида ўз маҳоратини намойиш этади.

"Мен wild card, яъни асосий тўрда тўғридан-тўғри қатнашиш ҳуқуқини берувчи имтиёзли йўлланма олмоқчи эмасман. Чунки, ҳозирги жисмоний ҳолатим ва тайёргарлигим ўзимга аён. Организмга ортиқа юклама бериб, қийнаш ниятим йўқ.

Гаскега қарши кечган учрашувда оёқларимда оғриқ сездим. Менга ўйин амалиёти етмаяпти. Бунинг учун бир неча ҳафта керак бўлади", - дея Маррейнинг сўзларидан иқтибос келтирмоқда АТР матбуот хизмати.