Енгил атлетикачиларимиз Эрондаги Осиё чемпионатида иштирок этадилар

Ушбу Осиё чемпионатида 26та медаллар жамланмаси ўйналади. Шуларнинг 13таси эркаклар ўртасидаги баҳсларга тўғри келса,  яна шунчаси аёллар ўртасидаги мусобақаларда ўйналади. 

Маълумот учун, енгил атлетика бўйича ёпиқ иншоотлардаги Осиё чемионати жаҳон чемпионатлари каби икки йилда бир маротаба ўтказилади. Мусобақа илк маротаба 2004 йилда ташкил қилинган. Эрондаги турнир ҳисоб бўйича саккизинчиси ҳисобланади. 

Бу йил 1-3 февраль кунлари бўладиган мусобақада баҳслар Теҳрондаги "Афтаб Энгелаб" спорт мажмуасида ташкил қилинади. 

Аёллар ўртасидаги баҳслар куннинг биринчи қисмида ўтказилади. Тушдан кейин эса эркаклар ўртасидаги мусобақаларга старт берилади. 

Чемпионатда Ўзбекистон терма жамоаси шарафини қуйидаги спортчилар ҳимоя қиладилар:

Сергей Дементьев (ядро улоқтириш)

Григорий Камуля (ядро улоқтириш)

Дмитрий Мельситов (баландликка сакраш)

Жавоҳир Нориев (узунликка сакраш, уч хатлаб сакраш)

Надия Дусанова (баландликка сакраш)

Сафина Садуллаева (баландликка сакраш)

Роксана Худоярова (узунликка сакраш, уч хатлаб сакраш)

Елена Смольянова (ядро улоқтириш)

Нигина Шарипова (60 метрга югуриш)

Александра Юркевская (бешкураш)