08 дек 12:04
Янгиликлар

Футбол

Эрматов Клублар ўртасидаги ЖЧ чорак финалини бошқаради

Шу йилнинг 6 декабрь куни Бирлашган Араб Амирликларида Клублар ўртасида Жаҳон чемпионати бошланган эди.

Аввал хабар берилганидек, ўзбекистонлик ФИФА рефериси Равшан Эрматов ушбу мусобақада ишлаш учун ўз бригадаси билан БААга жўнаб кетган эди.

Ҳамюртимиз чорак финалдан ўрин олган Мексиканинг “Пачука” ва Марокашнинг “Видад Касабланка” жамоалари ўртасидаги учрашувга тайинланди. Эрматовга қанотларда Абдуҳамидулло Расулов ва Жаҳонгир Саидовлар ёрдам беришади.

Маълумот учун, ушбу чорак финал учрашуви 9 декабрь, шанба куни Тошкент вақти билан соат 18:00да бошланади.