24 июн 09:54
Янгиликлар

Теннис

Эшли Барти дунёнинг биринчи ракеткасига айланди

Австралиялик теннисчи Эшли Барти Бирмингемдаги муваффақиятли иштироки сабаб сайёрамизнинг биринчи рақамли теннис маликасига айланди.

У бугун эълон қилинган WTA рейтингида иккинчни поғонадан биринчи ўринга кўтарилиб олди. Эшли кеча Бирмингем турнирида бош совринни қўлга киритган эди.

Шу тариқа, Эшли Барти рейтинг карвонбошиси бўлган дунёдаги 27-теннисчига айланди. У шунингдек, Австралия теннисининг 1976 йилдан бери сақланиб келинаётган рекордини ҳам янгилади. Бундан 43 йил аввал австралиялик теннисчи Ивонн Гулагонг икки ҳафта давомида рейтингда биринчи ўринни эгаллаб турганди.