Евро-2024. Португалия Словенияни пенальтилар сериясида мағлубиятга учратди

Португалия термаси пенальтилар сериясида Словенияни мағлуб қилди ва чорак финалга йўл олди. Португаллар посбони серияда 3 та зарбани қайтарди ва қаҳрамонга айланди. Аввалроқ, Диогу Кошта Пепе қоқилиб кетиб, рақиб бирга-бир вазиятга чиққан ҳужумда ҳам супер сейв қайд этганди. 

Бундан ташқари, Криштиану Роналду 105-дақиқада пенальтидан гол ура олмагани ўйиндаги энг эътиборга молик вазиятлар бири бўлди. Кейин эса бу вазият сабаб Роналду йиғлаб юборди. Якунда Португалия барибир ғалабани илиб кетди. Асосий қаҳрамон эса - дарвозабон Диогу Кошта.

Португалия – Словения  0:0 Пенальтилар серияси: 3:0

Пенальтилар сериясидаги голлар: Криштиану Роналду, Бруну Фернандеш, Бернарду Силва

Португалия – Диогу Кошта, Жоау Канселу (Семеду, 117), Пепе (Рубен Невеш, 117), Рубен Диаш, Мендеш, Бруну Фернандеш, Бернарду Силва, Пальинья, Витинья (Диогу Жота, 65), Рафаэл Леау (Франсишку Консейсау, 76), Роналду.

Словения – Облак, Стоянович (Вербич, 86), Карничник, Дркушич, Бийол, Балковец, Гнезда-Черин, Элшник (Иличич, 105), Шпорар (Целар, 75), Шешко, Млакар (Горенц-Станкович, 74).

Огоҳлантиришлар: Дркушич (32), Карничник (37), Горенц-Станкович (101), Бийол (106), Балковец (107), Жоау Канселу (107).