Фабио Уордлининг илк чемпионлик ҳимоя жанги қачон ўтказилиши айтилди

"Агар қарасангиз, унинг ҳикояси Золушканинг ҳикоясига ўхшайди, ҳеч қандай ҳаваскор тажрибаси йўқ ва у энди жаҳон чемпиони, - деди Уоррен Sky Sports’га берган интервьюсида Уордли ҳақида. - Бунга у машаққатли меҳнат эвазига эришди, Парвардигор уни ёрлақасин, омадини берсин. Уни илк чемпионлик ҳимояси кутмоқда ва табиийки, рақиб кучли ўнталикдан бўлиши керак. Умид қиламанки, биз бу жангни эрта баҳорда амалга оширамиз".

"У кучли йигитлардан бири билан учрашади. Бу унинг учун катта жанг бўлади. Фабио фақат шундай жангларни хоҳлайди. У ҳеч қачон ҳеч кимдан қочмаган. Катта жанглар - бу унинг истаги!", - дея қўшимча қилди Уоррен.

Эҳтимолий рақиблар орасида собиқ жаҳон чемпиони ва рейтингнинг бешинчи рақамли боксчиси Даниэль Дюбуа, шунингдек, рейтингнинг юқорисида бораётган Филип Хргович ва Дерек Чисора бор. Аммо рейтингнинг биринчи рақамли боксчиси Мозес Итаумага қарши жанг ўтказилиши даргумон.

"Агар WBO жангни белгиласа, у ўтказилмаслиги мумкин, - деб тан олди Уоррен. - Уларнинг мураббийи бир ва бу айни пайтда биз интилаётган нарса эмас".

Шунингдек, собиқ жаҳон чемпионлари Энтони Жошуа ва Тайсон Фюри ҳам Уордлига қарши жангда чемпионлик унвонини қайтариб олишни истайди.

"Эҳтимол, улар буни хоҳлашар, - деди Уоррен. - Жошуа буни хоҳлайдими-йўқми, билмайман, лекин мен унинг Жейк Пол билан эмас, Фабио билан жанг ўтказишини афзал кўрардим. Лекин Жошуа бундай қилмайди".