20 мар 18:39
Янгиликлар

Бокс/ММА

Фарид Алибабазаде Тошкентда Темировни мағлуб этган спортчи билан жанг қилади

25 апрель куни "Ҳумо арена" мажмуасида ММА бўйича Mangu 2 турнири бўлиб ўтади.

Мусобақанинг навбатдаги беллашуви эълон қилинди.

Энг енгил вазн тоифасида Қозоғистоннинг Octagon League ташкилоти собиқ чемпиони, озарбайжонлик Фарид Алибабазаде турнир доирасида Қирғизистон вакили Ирисбек Тиленов билан баҳс олиб боради.

31 ёшли Фарид карьераси давомида шу кунгача 23 та жанг ўтказиб, 13 та ғалаба, 9 та мағлубият ва 1 та дуранг қайд этган. У 2024 йил декабрь ойида ҳамюртимиз Анвар Абдуллаевга мағлуб бўлиб, Octagon League чемпионлик камаридан айрилган эди.

Ирисбек Тиленов ҳисобида эса 6 та ғалаба ва 1 та мағлубият бор. У UFC жангчиси Рамазон Темировнинг укаси Азизбек Темировдан устун келган эди.