22 дек 08:48
Янгиликлар

Теннис

Файзиев бир кунда икки учрашув ўтказиб, ярим финалга чиқди

Туркиянинг Анталия шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи мусобақада ҳамюртимиз Санжар Файзиев ҳам муваффақияли тарзда иштирок этяпти. Теннисчимиз турнирнинг учинчи ракеткаси сифатида сараланган ва кечанинг ўзида иккита яккалик учашувида кортга чиқди.

Мамлакатимизнинг иккинчи ракеткаси аввалига иккинчи даврада германиялик Паул Воернерни 6:2, 6:2 ҳисобида таслим этди. Чорак финалда эса турнирнинг олтинчи ракеткаси, сербиялик Деян Катичдан 6:2, 4:6, 6:2 ҳисобида устун келди. Бугун Файзиев ярим финалда мусобақада иккинчи рақам остида ҳаракат қилаётган испаниялик Рока Баталлага қарши кортга чиқади.