Файзиев ҳам кейинги босқич масаласини ижобий ҳал қилди

Мукофот жамғармаси 25 000 АҚШ долларини ташкил қилувчи мусобақада ўзбекистонлик теннисчилар ҳам муваффақиятли одимлашяпти. Турнирнинг иккинчи ракеткаси Ҳумоюн Султоновдан сўнг яна бир вакилимиз Санжар Файзиев ҳам чорак финал йўлланмасини қўлга киритди. 

Санжар 1 соату 45 дақиқа давом этган иккинчи давра учрашувида турнирнинг саккизинчи ракеткаси, монаколик Лукас Катаринани 7:5, 6:4 ҳисобида мағлуб этиб, чорак финалга чиқди. Энди Файзиев чорак финалда турнирнинг биринчи рақамли теннисчиси, россиялик Таймураз Габашвили билан ҳисоб-китоб қилади.