22 дек 10:49
Янгиликлар

Теннис

Файзиев Туркиядаги турнир жуфтлигида ярим финалга чиқди

Хабар берганимиздек, Туркиянинг Анталия шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи мусобақада ҳамюртимиз Санжар Файзиев ҳам муваффақияли тарзда иштирок этяпти. Яккаликда ярим финалга йўл олган теннисчимиз бу вазифани жуфтлик мусобақасида ҳам такрорлади.

Россиялик Маркос Калоелонис билан биринчи рақамли жуфтликни ҳосил қилган мамлакатимизнинг иккинчи ракеткаси бугун финал чиптаси учун кортга чиқади. Улар ярим финалда туркиялик Ченгиз Аксу ва Жан Каядан иборат тўртинчи рақамли жуфтликка қарши кортга чиқишади.

Файзиев ва Каловелонис кеча ўтказилган чорак финал учрашувида голландиялик теннисчилар - Игор Страатсма ҳамда Мик Велдхир ҳамкорлигини 6:2, 6:4 ҳисобида мағлуб этишди.