Фомин Актобе турнирининг 1/4 финалига чиқди

Мукофот жамғармаси 15 000 долларни ташкил этувчи ушбу мусобақада ҳамюртимиз Сергей Фомин ҳам муваффақиятли қатнашяпти. Мамлакатимизнинг иккинчи ракеткаси чорак финал иштирокчисига айланди. 

Теннисчимиз илк даврада россиялик Бекхан Атлангериевдан 6/1, 6/7(3), 6/4 ҳисобида устун келганди. Турнирда 8-рақам остида таснифланган Сергей 1/8 финалда нидерландиялик Ден Хейер Гуйни қийинчилик билан 6/3, 6/7(3), 7/6(4) ҳисобида мағлуб этишни уддалади.  

Таққослаш учун, Фомин ATP рейтингида 674, Атлангериев 1686, Ден Гуй эса 875-ўринни эгаллаб турибди. Бугун ватандошимиз ярим финал чиптаси учун рейтингда ўзидан 132 поғона юқорида бораётган россиялик Евгений Филипповга қарши кортга чиқади.