31 мар 10:25
Янгиликлар

Теннис

Фомин деярли ярим кун давом этган финалда камбэк эвазига ғалаба қозонди

Туркиянинг Анталия шаҳри мезбонлик қилган ITF 15 тоифасига кирувчи теннис турнири ҳамюртимизнинг чемпионлиги билан якунланди.

Мамлакатимизнинг иккинчи ракеткаси ҳал қилувчи финал учрашувида ATP рейтингида 1228-поғонадан жой олган руминиялик Габриэл Гетуга қарши кортга чиқди. Бу теннисчи рейтинги паст бўлса-да, финалга қадар рақамланган рақибларни мусобақадан чиқариб юборди.

Биринчи сет тай-брекда Гету фойдасига ҳал бўлди - 6/7(8). Иккинчи сет бошланиши арафасида Анталия ёмғир ёға бошлади ва бунинг натижасида учрашуви 3-4 соатга кечиктирилди. Бу танаффус Фомин фойдасига ишлади ва қолган икки сетда у камбэк эвазига чемпионликка эришди - 6/4, 6/1!

Эътиборлиси, олтинчи рақам остидан таснифланган Сергей Фомин Анталия турниридаги барча учрашувларини уч сет натижасига кўра ўз фойдасига ҳал қилди. Теннисчимиз айни пайтда ATP рейтингида 543-ўринни эгаллаб турибди.