Фомин Манама "Челленжер" турнирида муваффақиятли старт олди

Мукофот жамғармаси 60 минг долларни ташкил қилувчи мусобақада ҳамюртимиз Сергей Фомин ҳам ўз омадини синаб кўряпти. Мамлакатимизнинг биринчи рақамли теннисчига айланиб олган Фомин 1/16 финал босқичида америкалик Дали Бланчни уч сет натижасига кўра қийинчилик билан мағлубиятга учратди - 6/7(2), 7/6(1), 6/3. 

Таққослаш учун, Сергей Фомин янгиланган рейтингда 358, Бланч эса 451-ўринни эгаллаб турибди. Икки соату 26 дақиқа давом этган баҳсда Дали 7, Сергей 2 та эйс зарбасини амалга оширган. Қўшхатолар теннисчимизда кўпроқ бўлди - 5 га 3. Турнирда саккизинчи рақам остида сараланган Фоминнинг 1/8 финалдаги рақиби бугун аниқ бўлади.