Формула-1 юлдузлари Шумахер шарафига футбол ўйнашди (ФОТО+ВИДЕО)

Ушбу хайрия ўйини Формула-1 авсонаси, 7 карра жаҳон чемпиони Михаэль Шумахер шарафи учун ўтказилди. Формула-1 пилотлари машҳур баскетболчи Дирк Новицки бошчилигидаги МБА юлдузларига қарши тўп тепишди.

Хайрия учрашуви “Майнц 05” клубининг уй стадионида бўлиб ўтди. Голларга бой бўлган ўйин 9:6 ҳисобида Новицки ва унинг дўстлари жамоасининг ғалабаси билан якунланди.

Формула-1 юлдузлари таркибида Мика Хаккинен, Дэвид Култхард, Нико Росберг, Фелипе Масса, Нико Хюлкенберг, Даниэль Риккардо, Карлос Сайнс, Паскаль Верляйн, Жулиано Алези, Шарль Леклер ҳамда Михаэлнинг ўғли Мик Шумахер майдонга тушди. Жамоа сардори вазифасини Себастьян Феттель бажарди.

Новицкининг жамоасидан асосан баскетболчилар ўрин олди. Шунингдек, Германия футболининг афсонаси Мирослав Клозе ҳам майдонда ҳаракат қилди.