ФОТО Волкановски — Родригес жанги тўхтатилгунига қадар ҳисоб кимнинг фойдасига эди?

Хабар берганимиздек, оқшомнинг марказий жанги ярименгил вазнда амалдаги ташкилот чемпиони, pound-for-pound рейтинги пешқадами, австралиялик Алекс Волкановски ҳамда мексикалик даъвогар Яир Родригес ўртасида бўлиб ўтди. 

Беш раундга мўлжалланган чемпионлик жангининг учинчи раундида Волкановскининг кетма-кет зарбаларидан сўнг рефери баҳсни тўхтатишга мажбур бўлди. Бироз аввал интернетда ушбу жангнинг ҳакамлар ҳужжати акс этган статистик маълумоти пайдо бўлди. Техник нокаут қайд этилгунига қадар уччала ҳакам ҳам икки раундни тўлиқ чемпион фойдасига баҳолаган.