Фрэнк Уоррен: "Усик Итаума билан жанг қилиши ёки камарлардан воз кечиши керак"

"Мозес икки ташкилот рейтингида биринчи ўринда туради ва агар улар мажбурий ҳимояни талаб қилишса, Усик ўйлаб кўришга мажбур бўлади, - деди Уоррен. - Агар Мозес бундан кейин ҳам ғалаба қозониб, шу позицияни сақлаб қолса, Усик ё у билан тўқнаш келади ёки камаридан ажралиб қолади... Александр буюк боксчи, унинг тўртта камари бор. Хоҳлаган ишини қилаверсин, омадини берсин".

Эслатиб ўтамиз, Итаума WBO ва WBA рейтингларида биринчи ўринни, WBC рейтингида эса тўртинчи ўринни эгаллаб турибди. Унинг навбатдаги жанги 13 декабрга белгиланган, аммо рақиб ҳали аниқланмаган. Френк Уорреннинг сўзларига кўра, улар тегишли таклиф билан мурожаат қилган барча боксчилар тўғридан-тўғри рад жавобини беришган ёки номутаносиб равишда катта гонорар талаб қилишмоқда.