18 фев 10:39
Янгиликлар
Бокс/ММА
Фрэнсис Нганну ММАда навбатдаги рақибини айтди, у Россиядан
UFC собиқ чемпиони, ҳозирда PFL жангчиси бўлган камерунлик Фрэнсис Нганну кейинги ММА жангида Bellator’нинг собиқ ярим оғир вазн чемпиони россиялик Вадим Немков билан тўқнаш келмоқчи.
"Кейинги жангим ҳақида гапирадиган бўлсам, мен Вадим Немков каби рақибга чақириқ ташлашни хоҳлайман. Ҳаммаси вақтга боғлиқ. PFL’да қизиқарли рақиблар бор ва мен уларнинг ҳар бирига тайёрман", – деди Нганну Sports Illustrated нашрига.
Эслатиб ўтамиз, Нганну 2024 йил 19 октябрь куни Саудия Арабистонидаги PFL Super Fights турнирида бразилиялик Ренан Феррейра билан жанг қилиб, биринчи раундда техник нокаут билан ғалаба қозонган эди.
У шунингдек бокс қоидалари асосида Деонтей Уайлдерга қарши жанг қилиши ҳақида ҳам хабарлар тарқала бошлаганди.
Ҳавола :
Манба : Sports Illustrated
Фикрлар