Фьюри - Уайлдер 3: Боксчилар трилогия олдидан тарозига чиқишди + ФОТО

Оқшомнинг марказий жанги супероғир вазн тоифасида амалдаги WBC чемпиони, британиялик Тайсон Фьюри (30-0-1, 21 КО) ҳамда америкалик даъвогар, ушбу камарнинг собиқ соҳиби Деонтей Уайлдер (42-1-1, 41 КО) ўртасида ўтказилади. Кеча тунда боксчилар анъанага кўра тарозидан ўтиш маросимида иштирок этишди. 

Эътиборга молик жиҳати шундаки, ҳар икки боксчи ҳам фаолиятларидаги рекорд даражадаги вазнни кўрсатишди. "Циганлар Қироли" - 125,6 кг, Уайлдер эса 107,6 кг тош босди. Биринчи жангда Тайсон 116 кг, Деонтей эса 96 кг вазнда бўлган эди. Ўшанда жанг дуранг натижа билан якунланганди. Реваншда Фьюри - 123,8 кг, Уайлдер - 104,8 кг вазнга эга бўлган. Иккинчи жангда Фьюри рақибини техник нокаут эвазига мағлубиятга учратиб, рақибининг камарини тортиб олганди.