Фьюри: Уайлдер энди мен билан бошқа жанг қила олмайди

WBC бўйича супероғир вазндаги жаҳон чемпиони Тайсон Фьюри энди ҳеч қандай таклиф уни Уайлдер билан жанг қилишига мажбур қила олмаслигини таъкидлади. 

"Мен Уайлдер ва унинг жамоаси хоҳлаган ҳар қандай сана ва талабларга рози бўлдим. Аммо энди бўлди. Уайлдер ўзининг сафсаталари билан мени обрўсизлантиришга уринди. 

Агар мен ҳамма каби инсон бўлганимда, уни туҳматлари учун судга бериб 100 миллион доллар ундиришим мумкин эди. Лекин мени бундай ишлар қизиқтирмайди. Уайлдер мен томонимга йўллаган туҳматлари сабаб у энди мен билан жанг қила олмайди. 

Ҳамма мағлуб бўлиши мумкин. Лекин гап бунда эмас. Уайлдер охирги етти ой ичида жуда кўп гаплар гапирди. У охирги ойларда оғзини очиш учун  атайлаб шартнома муддати тугашини кутди, бу кулгили", -дейди Тайсон Фьюри.