Фьюри - Уайлдер жангининг шу йил ўтказилишига шубҳа бор

Аммо таниқли промоутер Фрэнк Уоррен бу жанг пандемия пайтидаги молиявий йўқотишлар сабаб бу йил ўтказилишига шубҳа қилаётганини билдирди. Фюрининг ўзи эса бир неча бор жангга тайёрлигини айтган. 

"Фьюри жангга тайёрлиги аниқ. У мунтазам машқ қилмоқда. У рингга чиқишни хоҳлайди. Агар Уайлдер билан жанг ўтказилмаса, унда бошқа рақиб топишимизга тўғри келади. Уайлдер билан жанг эса бу йил ўтказилиши қийиндек туюлмоқда. 

Агар Фьюрининг промоутери Боб Арум мўъжиза содир қилиб жангни АҚШда ташкил этишга эришмаса, унда бу жанг бўлиши жуда қийин. Олдинги жанг чипталар сотуви бўйича рекорд натижага эришган. Деярли 20 миллион долларлик чипта сотилган. Ҳозир эса бунча миқдордаги пулни чипталардан топиб бўлмайди. Шунинг учун боксчилар хоҳлаётган пулни топишни бошқа йўлини қидириш керак. Бу жуда қийин иш", - деди Уоррен.