07 апр 11:24
Янгиликлар

Бокс/ММА

Фьюри Уайлдерни нима сабабдан трилогияга рози бўлганини айтди

WBC чемпиони Тайсон Фьюри собиқ жаҳон чемпиони Деонтей Уайлдер нима сабабдан учинчи жангга рози бўлгани ҳақида фикр билдирди.

“Уайлдер 34 ёшда. Мен унинг шахсий ҳаёти ҳақида маълумотларга эга эмасман. Билганим унинг ёши. Лекин америкалик барча боксчи ва спортчилар ўзларини поп юлдузлардек тутишга ҳаракат қилишади. Аслида ҳеч қандай юлдуз бўлишмаса ҳам.

Уларнинг кўпчилиги катта-катта маблағларни тезлик билан ишлатиб юборишади. Уайлдерни менга қарши яна бир бор жанг қилишига сабаб - катта миқдордаги пуллар деб ўйлайман. Фикримча, унга яна бир бор даҳшатли зарбалар остида қолиш қизиқ бўлмас эди”, - деди Фьюри.

Эслатиб ўтамиз, Фьюри - Уайлдер ўртасида кечган баҳсларнинг бирида дуранг, иккинчиси эса Тайсоннинг ғалабаси билан якунланганди.