Фьюри - Уайт. 42 млн долларлик жанг ҳуқуқи тафсилотлари

Фьюрининг британиялик промоутери Фрэнк Уоррен ватандоши, вақтинчалик камар соҳиби Диллиан Уайтга қарши мажбурий ҳимоя жанги тендеридаги ғалаба ҳақида фикр билдирди.

Уоррен Тоp Rank билан ҳамкорликда Эдди Хирнни деярли 9 миллион долларга ортда қолдириб, 41 025 000 доллар эвазига жангни ташкил қилиш ҳуқуқини қўлга киритди.

"Биз буни ўз мижозимиз учун қилишга ваъда берган эдик ва 42 миллион долларлик реклама таклифини ютиб олдик. Бу бизнинг «Лўлилар қироли»га содиқлигимизни кўрсатади. WBC маълумотларига кўра, бу аукционлар тарихидаги энг йирик таклифдир. Тўғриси, биз жангчиларимизни қўллаб-қувватлаймиз ва бунинг яна бир исботи Фьюрининг жанги. Ушбу бокс кечасини ташкил этиш учун Тop Rank билан ҳамкорлик қилишдан хурсандман. Сана ва жойни келаси ҳафта эълон қиламиз, аммо Фьюри Американи забт этгандан кейин уйига қайтаётганга ўхшайди. 

Шубҳам йўқки, бу ажойиб жанг бўлади. Уайт ўзининг орзу қилган жаҳон чемпионлигини қўлга киритди. Буюк Британиянинг икки оғир вазнлилари ўртасидаги уруш яқинлашмоқда. Аммо, фақат битта ғолиб бўлади. Ва бу Тайсон Фьюри”, - деди Фрэнк Уоррен.