20 мар 12:48
Янгиликлар

Бокс/ММА

Фьюрининг отаси: "Тайсон аввалгидек яхши формада эмас"

Супероғир вазнда WBC, WBO, IBO, WBA Super, The Ring, IBF йўналишлари бўйича собиқ жаҳон чемпиони Тайсон Фьюрининг отаси Жон Фьюри ўғлига нисбатан кескин муносабат билдирди.

Ота ўғлининг энди ўз спорт формасининг чўққисида эмаслигини таъкидлади.

"Тайсон энди яхши формада эмас. Мен тўғрисўз одамман - ўйлаганимни гапираман. Мен уни яхши кўраман, лекин жуда кўп одамлар унинг елкасига қоқиб, уни енгилмас деб мақтаб, ёлғон гапиришади. У анчадан бери бундай эмас. Мен билган Тайсон Уайлдер билан трилогиядан кейин ғойиб бўлди, бу қарама-қаршилик уни тугатди. Менинг эса у билан муносабатларим бузилган", - дея Фьюрининг сўзларини келтиради Daily Mail.