03 сен 13:06
Янгиликлар

Теннис

Гаэль Монфис US Open 1/4 финалига чиқди

Дунёнинг 13-ракеткаси Гаэль Монфис АҚШ Очиқ чемпионатининг чорак финал йўлланмасини қўлга киритди.

Франциялик теннисчи нимчорак финал учрашувида испаниялик Пабло Андухарга қарши кортга чиқди. Монфис 1 соату 26 дақиқа давом этган баҳсда рейтингнинг 70-поғонасидан жой олган рақибини 6/1, 6/2, 6/2 ҳисобида мағлуб этди.

33 ёшли Монфис Андухарга қарши кечган ўзаро 4 та учрашувнинг барчасида ғалаба қозонган. Гаэль Монфиснинг US Open чорак финалидаги рақиби италиялик Маттео Берреттини бўлади.