18 май 12:15
Янгиликлар

Бокс/ММА

Гейбл Стивсоннинг UFC`даги дебют рақиби маълум бўлди

Апрель ойида дунёнинг энг кучли лигаси билан шартнома имзолаган эркин кураш бўйича Олимпия чемпиони Гейбл Стивсонга ниҳоят рақиб берилди.

У 11 июль куни Лас-Вегасда бўлиб ўтадиган UFC 329 турнирида ташкилотда дебют қилади. Америкалик 25 ёшли Гейбл 29 ёшли ҳамюрти Элиша Эллисонга қарши октагонга чиқади. Оғир вазндагилар ўртасидаги жангни шахсан лига раҳбари Дана Уайт расман эълон қилди.

Гейбл Стивсон ўтган йили аралаш яккакурашларда дебют қилган ва у ерда учта ғалабага эришиб, биринчи раунддаёқ барча рақибларини техник нокаутга учратганди. Стивсон яна бир ғалабасини DBX лигасида гибрид қоидалар бўйича жангда қўлга киритди, у ерда рақибини 15 сониядаёқ мағлуб этди.

Элиша Эллисон эса ўтган йилнинг сентябрь ойида ташкилотдаги дебютини муваффақиятсиз ўтказганди. Ўшанда у биринчи раунддаёқ Брандо Перичичга нокаут билан ютқазиб қўйган эди.