19 дек 09:30
Янгиликлар

Бокс/ММА

Головкин Бернард Хопкинс рекордини янгилади

Қозоғистонлик чемпион Геннадий Головкин (41-1-1, 36 КО) бугун польшалик Камил Шеремета (21-1, 5 КО)ни муддатидан аввал мағлуб этган эди.

Ушбу ғалабаси эвазига 38 ёшли Головкин афсонавий Бернард Хопкинсга тегишли рекордни янгилади. Бугун Геннадий фаолияти давомидаги 21-чемпионлик ҳимоя жангида ғалабага эришди. Бу ўрта вазн тоифаси мутлақ рекорди ҳисобланади.

Шу кунгача IBF ва IBO йўналишлари чемпиони бўлган Головкин америкалик Бернард Хопкинс (55-8-2, 32 КО) билан бир хил натижа қайд этиб турганди. Яъни, ҳар икки боксчи ҳам 20 тадан чемпионлик ҳимоя жангларида зафао қучганди.

Маълумот учун, Геннадий Головкиннинг биринчи чемпионлик ҳимоя жанги 2011 йилнинг 17 июнь куни бўлиб ўтганди. Ўшанда қозоғистон чемпион WBA Regular камарини Кассим Оума (29-14-1, 18 КО)дан ўнинчи раунддаги техник нокаут эвазига ҳимоя қилганди.