14 апр 12:42
Янгиликлар

Теннис

Grand Prix Hassan. Бенуа Пэр Цонгадан устун келди

Дунё рейтингида 69-ўринни эгаллаб турган франциялик Бенуа Пэр Марракеш шаҳрида якунига етиб бораётган турнирнинг финал чиптасини қўлга киритди.

Пэр Grand Prix Hassan II турнирининг ярим финалида ҳамюрти Жо-Вилфрид Цонгага қарши кортга чиқди. Пэр бир дақиқаси кам икки соат давом этган учрашувда рейтингнинг 116-поғонасидан жой олиб турган рақибини 2/6, 6/4, 6/3 ҳисобида таслим этди.

Бу теннисчиларнинг ўзаро тўртинчи учрашуви бўлиб, Бэнуа илк бор ғалабага эришди. Бугун Пэр Марракеш турнири бош соврини учун испаниялик Пабло Андухарга қарши кортга чиқади.